သင့်ကလေး ကျန်းမာဖွံ့ဖြိုးစေရန် မိခင်နို့နှင့် ဖြည့်စွက်စာကို စနစ်တကျ တိုက်ကျွေးပါ။
ဖြည့်စွက်စာ ဆိုသည်မှာ ကလေးအသက် ၆လပြည့်လျှင် မိခင်နို့နှင့်အတူ ဖြည့်စွက်ကျွေးမွေးရသည့် အခြားအစားအစာများကို ဆိုလိုသည်။
- ကလေးအသက်(၆)လပြည့်လျှင် မိခင်နို့နှင့်အတူ ထမင်း၊ အသားငါး၊ အသီးအရွက်၊ ပဲအမျိုးမျိုး၊ ငှက်ပျောသီး၊ ကြက်ဥ စသည့် အဖတ်များ၊ ဆန်ပြုတ်၊ စွပ်ပြုတ်နှင့် အရည်အမျိုးမျိုးကို ဖြည့်စွက်ကျွေးရန် လိုအပ်ပါသည်။
- အသက်(၆)လ ပြည့်ပြီးသော ကလေးအား ဖြည့်စွက်စာကျွေးရာတွင် ဆီအနည်းငယ် (လက်ဖက်ရည်ဇွန်း တစ်ဇွန်းခန့်) ထည့်၍ ကျွေးရပါမည်။
- သစ်ဥ၊ သစ်ဖုနှင့် မုန့်ပဲသရေစာများ အပါအဝင် အစားအစာမျိုးစုံတို့ကို တဖြည်းဖြည်း အကျင့်လုပ်၍ ကျွေးရပါမည်။
ငါးနှစ်အောက်ကလေး အစာခဏခဏကျွေး
- ငါးနှစ်အောက်ကလေးများသည် လူကြီးများကဲ့သို့ တစ်ကြိမ်တည်းနှင့် အစာအများကြီး မစားနိုင်ကြပါ။ လူကြီးများကဲ့သို့ တစ်နေ့လျှင် နှစ်ကြိမ်စားရုံဖြင့် မလုံလောက်ပါ။
- တစ်နေ့လျှင် ထမင်းသုံးကြိမ် ကျွေးပါ။
- အာဟာရပြည့်ဝသော မုန့်ပဲသရေစာများ တစ်နေ့လျှင်(၂)ကြိမ် ကျွေးပါ။
- ကလေးစားချင်အောင် ချော့မြူ၍ ကျွေးရမည်။
နေမကောင်းသည့်ကလေး အစာပိုကျွေး
- ကလေးငယ် နေမကောင်းဖြစ်နေစဉ်နှင့် ဝမ်းပျက်ဝမ်းလျှောဖြစ်နေစဉ်
- အစာမကျွေးဘဲ မထားပါနှင့်၊ ကလေးက မစားချင်သည့်တိုင် ချော့မြူပြီး ကျွေးပါ။
- အစာကို တစ်ကြိမ်ကျွေးလျှင် ပမာဏနည်းနည်းနှင့် အကြိမ်များများ ကျွေးပါ။
- အစာပျော့ပျော့ ကျွေးပါ။ အရည်များများ တိုက်ပါ။
- မိခင်နို့ ဆက်တိုက်ပါ။ ဓာတ်ဆားရည်၊ ဆန်ပြုတ်၊ စွပ်ပြုတ် တိုက်ပါ။
- အာဟာရပြည့်ဝမှ မြန်မြန်နာလန်ထမည်။
- ကလေးအစာမဝင်ပါက နီးစပ်ရာ ကျန်းမာရေးဌာနသို့အမြန်ပြပါ။
နာလန်ထချိန်တွင် ကလေးခံတွင်း ပြန်ကောင်းလာတတ်ပါသည်။ နာမကျန်းဖြစ်စဉ် လျော့နည်းသွားသော ကိုယ်အလေးချိန်ကို အမြန်ဆုံး ပြန်လည်ရရှိအောင် နာလန်ထချိန်တွင် အစာပိုကျွေးပါ။
၂ – နှစ်အောက် ကလေးသူငယ်များကို ဖြည့်စွက်စာ ကျွေးခြင်း
