Contents
ပြဒါးအသုံးပြုနေသော လုပ်ငန်းများ
၁။ ရွှေ၊ ငွေ တူးဖော် ထုတ်လုပ်ခြင်းများ
၂။ အိမ်သုံးပစ္စည်းများ (ဥပမာ- မီးချောင်းများ၊ အိမ်သုတ်ဆေးများ)
၃။ ဆေးပစ္စည်းကိရိယာများ (ဥပမာ- အပူချိန်တိုင်းကိရိယာများ၊ သွေးပေါင်ချိန်တိုင်းကိရိယာများ၊ သွားနှင့် ပတ်သက်သော လုပ်ငန်းများ)
၄။ လယ်ယာသုံးပစ္စည်းများ (ဥပမာ – မှိုသတ်ဆေးများ)
၅။ အလှကုန်ပစ္စည်းများ (ဥပမာ- မိတ်ကပ်များ၊ ပေါင်ဒါများ) စသည်ဖြင့်
ပြဒါးနှင့်ထိတွေ့နေရသူများ
- ရွှေငွေတူးဖော် ထုတ်လုပ်သောလုပ်သားများ
- ကျန်းမာရေးဝန်ထမ်းများ
- မီးချောင်း၊ အိမ်သုတ်ဆေး စသော အိမ်သုံးပစ္စည်းများ ထုတ်လုပ်သော လုပ်သားများ
- အလှကုန်ပစ္စည်းထုတ်လုပ်သော လုပ်ငန်းများ
- ပြဒါးအသုံးပြုနေသော လုပ်ငန်းများ၏ အနီးပတ်ဝန်းကျင်ရှိ ပြည်သူလူထု
- ပြဒါးပါဝင်သောပစ္စည်းများကို သုံးစွဲသူများ
လူခန္ဓာကိုယ်အတွင်းသို့ ပြဒါးဓာတ်ဝင်ရောက်နိုင်သည့် နည်းလမ်းများ
၁။ အသက်ရှူလမ်းကြောင်းမှတစ်ဆင့် ဝင်ရောက်ခြင်း (အများဆုံးဝင်ရောက်နိုင်သော လမ်းကြောင်းဖြစ်သည်)
၂။ အစာအိမ်နှင့် အူလမ်းကြောင်းမှတစ်ဆင့် ဝင်ရောက်ခြင်း
၃။ အရေပြားမှတစ်ဆင့် ဝင်ရောက်ခြင်း
ပြဒါးဓာတ်အဆိပ်သင့်ခြင်းကြောင့် ကျန်းမာရေးထိခိုက်မှုများ
၁။ လတ်တလောထိတွေ့မှုကြောင့် ဖြစ်နိုင်သော ကျန်းမာရေးထိခိုက်မှုများ
- ချောင်းဆိုးခြင်း၊ အသက်ရှူကြပ်ခြင်း၊ အဆုတ်ရောင်ခြင်း
- ခံတွင်းရောင်ရမ်းခြင်း
- အန်ခြင်း၊ ဝမ်းလျှောခြင်း
- ဆီးနည်းခြင်း၊ ကျောက်ကပ်ပျက်ခြင်း
၂။ ကြာရှည်စွာထိတွေ့မှုကြောင့်ရနိုင်သော ကျန်းမာရေးထိခိုက်မှုများ
- ခြေ၊ လက်၊ ဦးခေါင်းတုန်ခြင်း
- လမ်းလျှောက်ပုံမမှန်ခြင်း
- ဆုပ်ကိုင်ထားသော အရာဝတ္ထုကို ပြန်လွှတ်ရန် ခက်ခဲခြင်း
- ပုံမှန်အိပ်စက်ချိန်ထက် ပိုမိုကြာမြင့်လာခြင်း
- သတိမေ့လျော့လာခြင်း
- သွားဖုံးရောင်ခြင်း၊ သွားဖုံးတွင် ခဲရောင်အတန်းတွေ့ရှိရခြင်း၊ ခံတွင်းထဲတွင် အနာပေါက်ခြင်း
- အစားအသောက်ပျက်ခြင်း၊ ကိုယ်အလေးချိန်လျော့ကျခြင်း
- နှင်းခူပေါက်ခြင်း
- ကျောက်ကပ်ပျက်ခြင်း