ကျန်းမာရေးဆိုင်ရာ စံပြု အချက်အလက်များ

  1. Home
  2. Docs
  3. ကျန်းမာရေးဆိုင်ရာ စံပြု အချက်အလက်များ
  4. အပိုင်း (၁၂) တိုင်းရင်းဆေးပညာ ဆိုင်ရာ စံပြုအချက်အလက်များ
  5. ၁၂.၅ ရောဂါအလိုက် အသုံးပြုနိုင်သော ဆေးဖက်ဝင် အပင်များ

၁၂.၅ ရောဂါအလိုက် အသုံးပြုနိုင်သော ဆေးဖက်ဝင် အပင်များ

၁။ ဝမ်းပျက် ဝမ်းလျှောရောဂါ

  • နနွင်း- အမှုန့်ကို တစ်ကြိမ်ဇွန်းတစ်ဝက် သကြားရည်။ ပျားရည်။ ရေနွေးဖြင့် တစ်နေ့ (၃) ကြိမ် (၅) ရက် သောက်ပါ။
  • ကွမ်း – ကွမ်းရွက် (၃) ရွက်၊ ဆားအနည်းငယ်၊ ထန်းလျက် (၂) လုံးရော၍ ပြုတ်ခါပြုတ်ရည် တစ်ကြိမ် ပန်းကန်လုံး တစ်ဝက်ခန့်၊ တစ်နေ့ (၃) ကြိမ် (၅) ရက်သောက်ပါ။
  • ဖန်ခါး- အသီးမှုန့်တစ်ကြိမ်ဇွန်းတစ်ဝက်၊ တစ်နေ့ (၃) ကြိမ် ရေနွေးဖြင့် (၅) ရက်သောက်ပါ။
  • ဆီးဖြူသီး- အသီးမှုန့်တစ်ကြိမ် (၁) ဇွန်း၊ တစ်နေ့ (၃) ကြိမ်၊ (၅) ရက်သောက်ပါ။
  • မင်းကွတ်သီး – အခွံမှုန့် တစ်ကြိမ်ဇွန်းတစ်ဝက် (သို့မဟုတ်) အခွံသွေးရည် (၁) ဇွန်း၊ ရေနွေးဖြင့် တစ်နေ့ (၃) ကြိမ် (၅) ရက်သောက်ပါ။
  • အုန်းစိမ်းရည်- လိုအပ်သော အချိုဓာတ်နှင့် ဓာတ်ဆားများ ပါဝင်သဖြင့် အသုံးပြုနိုင်သည်။

၂။ ဝမ်းကိုက်ရောဂါ

  • ရာတန်စေ့- ရာတန်စေ့ အဆန် (၅) ဆန်ကို တစ်နေ့တစ်ကြိမ် (၅) ရက်သောက်ပါ (သို့မဟုတ်) အစေ့ခြောက်မှုန့် တစ်ကြိမ် ဇွန်းတစ်ဝက် တစ်နေ့ (၂) ကြိမ် (၃) သောက်ပါ။ (အချို့လူနာများတွင် မူးမော်တတ်ပါသည်)
  • ရှားစောင်းသင်္ဂနိတ်အရွက်သတ္တုရည်တစ်ကြိမ် (၁) ဇွန်း (သို့မဟုတ်) အရွက်နု (၅) ရွက် ရေနွေးဖျော၍ တစ်နေ့ (၂) ကြိမ် (၃) ရက်သောက်ပါ။ စားပါ။
  • ဘောစကိုင်း(အဝေရာ) – အရွက်နု (သို့မဟုတ်) အသီးနုပြုတ်ရည် တစ်ကြိမ် (၅) ဇွန်း တစ်နေ့( ၃) ကြိမ် (၅) ရက်သောက်ပါ။
  • မီးကွင်းဂမုန်း- အရွက်သတ္တုရည် တစ်ကြိမ် (၂) ဇွန်း၊ သကြားနှင့် တစ်နေ့ (၃) ကြိမ် (၅) ရက်သောက်ပါ။
  • ငုခေါက်- ငုခေါက်မှုန့် တစ်ကြိမ် (၁)ဇွန်း၊ ပျားရည် (၂) ဇွန်းနှင့် ရော၍ တစ်နေ့ (၃) ကြိမ်၊ (၅) ရက်သောက်ပါ။

၃။ သန်ကောင်ရောဂါ (သန်လုံးကောင်)

  • နာနတ်သီး – (လူကြီး) အသီးအလတ်စား (၃၀ ကျပ်သားခန့်အရွယ်) တစ်နေ့ (၁) လုံး (၃) ရက်စားပါ။ (ကလေး) အသီး၏ တစ်ဝက် (၁၅ ကျပ်သားခန့်) တစ်နေ့ (၁) ကြိမ် (၃) ရက်စားပါ။ နာနတ်သီးညှစ်၍ ရသော အရည်လည်း သောက်နိုင်ပါသည်။
  • ပေါက်ပွင့် – အပွင့်ကိုသုပ်၍ တစ်ကြိမ်စားလျှင် (၆) ပွင့် ၊ တစ်နေ့ (၂) ကြိမ်၊ (၃) ရက်စားပါ။
  • ဘောစကိုင်း (အဝေရာ) – အရွက် လက်တစ်ဆုပ် (၅) ကျပ်သားခန့်ကို တို့စရာအဖြစ် (သို့မဟုတ်) သုပ်၍ တစ်နေ့ (၁) ကြိမ် (၃) ရက်စားပါ။
  • ပေါက်ပန်းဖြူပွင့် – အရွက်သတ္တုရည် (၂) ဇွန်း၊ ပျားရည် (၁) ဇွန်းနှင့် ရော၍ တစ်ကြိမ်( ၃) ဇွန်း၊ တနေ့ (၂) ကြိမ် (၃) ရက်သောက်ပါ။
  • သင်္ဘောစေ့ – အမစေ့မှာ အာနိသင်ပိုမိုထက်မြက်ပါသည်။ တစ်ကြိမ် (၂) စေ့မှ (၇) စေ့သောက်ပါ။
  • အစေ့ကို ထောင်း၍ ထန်းလျက်ဖြင့်လည်း ကျွေးနိုင်သည်။

၄။ နှာစေး၊ ချောင်းဆိုး၊ ရင်ကျပ်ရောဂါ

  • ကွမ်း – အရွက်သတ္တုရည် တစ်ကြိမ် (၂) ဇွန်း၊ တစ်နေ့ (၃) ကြိမ် (၅) ရက်သောက်ပါ။
  • ဇီယာရွက်ထူ – အရွက်သတ္တုရည်တစ်ကြိမ် (၁) ဇွန်း ၊ တစ်နေ့ (၃) ကြိမ် (၅) ရက် သောက်ပါ။
  • ပင်စိမ်း – အရွက်သတ္တုရည် တစ်ကြိမ် (၁) ဇွန်း၊ တစ်နေ့ (၃) ကြိမ်၊ ထန်းလျက်။ သကြား။ ပျားရည်ဖြင့် (၅) ရက်သောက်ပါ။
  • မုရားကြီး – အရွက်သတ္တုရည် တစ်ကြိမ် (၁) ဇွန်း၊ တစ်နေ့ (၃) ကြိမ် သကြား။ ပျားရည် နှင့်
  • ရော၍ (၅) ရက်သောက်ပါ။

၅။ ရာသီဖျား (တုပ်ကွေးရောဂါ)

  • ချင်း – ချင်းပြုတ်ရည်တစ်ကြိမ် (၆) ဇွန်း၊ တစ်နေ့ (၃) ကြိမ်၊ (၅) ရက်သောက်ပါ။
  • ကွမ်း – အရွက်သတ္တုရည်တစ်ကြိမ်တစ်ဇွန်း၊ တစ်နေ့ (၃)ကြိမ်(၅) ရက်သောက်ပါ။
  • ဒန္တသုခ – ပဉ္စငါးပါးပြုတ်ရည် တစ်ကြိမ်၊ (၆) ဇွန်း ၊ တစ်နေ့ (၃) ကြိမ် (၅) ရက်သောက်ပါ။

၆။ လေထိုးလေအောင့်

  • နွယ်ချို – အမှုန့်တစ်ကြိမ်ဇွန်းတစ်ဝက်၊ တစ်နေ့ (၃) ကြိမ် (၅) ရက်သောက်ပါ။ (သွေးတိုးရောဂါ၊ အဖောရောဂါရှိသူများ သောက်သုံးရန် မသင့်။)
  • အကြောပေါင်းတစ်ထောင်- ပဉ္စငါးပါးပြုတ်ရည် တစ်ကြိမ် (၃) ဇွန်း၊ တစ်နေ့ (၃) ကြိမ်သောက်ပါ။ ပဉ္စငါးပါးအမှုန့် တစ်ကြိမ် ဇွန်း၏ သုံးပုံတစ်ပုံ၊ တစ်နေ့ (၃) ကြိမ် (၅) ရက် သောက်ပါ။
  • ကြက်သွန်ဖြူ – ကြက်သွန်ဖြူ၊ (ဗမာ) (၃) ဥမှ (၅) ဥ မီးဖုတ်၍ စားပါ။

၇။ သွေးတိုးရောဂါ

  • ဒန့်သလွန် – အရွက်စိမ်းသတ္တုရည် တစ်ကြိမ် (၂) ဇွန်း၊ တစ်နေ့ (၂) ကြိမ်ခန့် သောက်ပါ။
  • ဧကရာဇ် – အမြစ်ခေါက်မှုန့် တစ်ကြိမ် (၁) ဇွန်း တစ်နေ့ (၃) ကြိမ် သောက်ပါ။
  • ကြက်သွန်ဖြူ – တစ်နေ့ သာမန် ဥတစ်လုံး အရွယ် (၃) ဥခန့် ထမင်းနှင့် တို့မြုပ်၍ စားပေးပါ။
  • အကြောပေါင်းတစ်ထောင်- ပဉ္စငါးပါးအမှုန့် တစ်ကြိမ် (၁) ဇွန်း တစ်နေ့ (၂) ကြိမ် သောက်ပါ။
  • သံပုရာ – သံပုရာသီးတစ်လုံးအား ထက်ခြမ်းခွဲ၍ ရေနွေးကျိုက်ကျိုက်ဆူ ပန်းကန်တစ်လုံးတွင်
  • (၂) နာရီမှ (၃) နာရီထိ စိမ်၍ ၎င်းအရည်ကို သောက်ပေးပါ။

၈။ ဆီးချိုရောဂါ

  • ကြက်ဟင်းခါးသီး – အသီးမနုမရင့် သတ္တုရည် တစ်ကြိမ် အကြမ်းပန်းကန်တစ်ဝက် တစ်နေ့ (၂)ကြိမ် အစာမစားမီ နေ့စဉ်သောက်ပါ။
  • ဗေဒါ – အပွင့် ပြုတ်ရည်ကို တစ်ကြိမ် ပန်းကန်လုံးတစ်လုံး၊ တစ်နေ့ (၃)ကြိမ်၊ အစာမစားမီ
  • နေ့စဉ်သောက်ပါ။
  • သိကြားမကိုဋ် – အရွက်ခြောက်မှုန့် ပြုတ်ရည် တစ်ကြိမ်ကို ပန်းကန်လုံးတစ်လုံး တစ်နေ့ (၃)ကြိမ်၊ အစာမစားမီ နေ့စဉ်သောက်ပါ။

၉။ ပွေးရောဂါ

  • ပွေးမယ်ဇလီ – အရွက်သတ္တုရည်ဖြင့် ပွေးပေါက်သော နေရာ တစ်နေ့ (၃) ကြိမ် လိမ်းပါ။
  • တမာ – တမာခေါက်၊ အကိုင်း၊ အရွက်ပြုတ်ရည်ဖြင့် အနာအား ဆေးပါ။ အရွက်ခြောက်ပြာချ၍ အုန်းဆီဖြင့် လိမ်းပါ။

၁၀။ ဝဲရောဂါ

  • ဆိတ်ဖလူး – အရွက်ပြုတ်ရည်။ သတ္တုရည်ဖြင့် အရေပြားယားယံနာများကို လိမ်းပါ။
  • ရွက်ကျပင်ပေါက် – အရွက်သတ္တုရည်။ အရွက်ကို ပြာချ၍ သံပုရာရည်။ အုန်းဆီဖြင့် တစ်နေ့ (၃) ကြိမ်လိမ်းပါ။

၁၁။ သွားနှင့် ခံတွင်းရောဂါ

  • လေးညှင်းပွင့် – တစ်ပွင့်၏ လေးပုံတစ်ပုံ (အပွင့်မှုန့်) ကို သွားနာတွင် သိပ်ပေးပါ။ (သို့မဟုတ်) လေးညှင်းဆီတစ်စက်မှ နှစ်စက်ကို သွားနာတွင် ထည့်ပေးပါ။
  • ဒန္တသုခပင် – ပဉ္စငါးပါးလက်တစ်ဆုပ်ကို ရေလက်ဖက်ရည် ပန်းကန်တစ်လုံးထည့်၍ တစ်ဝက်ကျန်အောင် ပြုတ်ပြီး တစ်နေ့ (၂) ကြိမ် (၂) မိနစ် ငုံထွေးပါ။
  • တမာ – အရွက်အနည်းငယ်ကို ပြုတ်၍ ပြုတ်ရည်ကို (၂) မိနစ်ခန့် ငုံထားပြီးနောက်
  • ထွေးထုတ်ပါ။ တနေ့ (၃) ကြိမ်ပြုလုပ်။

၁၂။ မျက်စိနာရောဂါ

  • မန်ကျည်းပင် – အခေါက်ကို ရေစင်စွာဆေး၊ ဆားအနည်းငယ်ထည့်၍ ရေဖြင့် မပျစ်မကျဲ သွေးပြီး နံနက် တစ်ကြိမ်၊ ညတစ်ကြိမ် မျက်စိပတ်လည်ကို လိမ်းပေးပါ။
  • ခန်းတောက်မြစ် – ရေဖြင့် ပျစ်ပျစ်သွေး၍ မျက်စေ့ပတ်လည် လိမ်းပါ။ တစ်နေ့ (၂) ကြိမ် ပြုလုပ်နိုင်သည်။
  • ကွမ်းရွက် – ကွမ်းရွက်စိမ်းကို မျက်စိပတ်လည် ကပ်ပေးနိုင်သည်။
  • ရှားစောင်းလက်ပပ် – ရှားစောင်းလက်ပပ်အနှစ် အနည်းငယ်ကို မျက်စိပတ်လည်တွင် အုံခြင်း၊ လိမ်းပေးခြင်းပြုလုပ်နိုင်သည်။ နံနက်တစ်ကြိမ်၊ ညတစ်ကြိမ် ပြုလုပ်ပါ။
Was this article helpful to you? Yes 1 No